Turqia nxjerr kurrikula të reja shkollore, pa teorinë e Darvinit

21:34 | 18 Korrik 2017
Trina Galanxhi

Turqia ka njoftuar se ka nxjerrë një program të ri shkollor, që përjashton teorinë e evulocionit të Çarls Darvinit.

I menjëhershëm ka qenë reagimi i opozitës, të cilët kanë deklaruar se Presidenti Erdogan ‘po shkatërron themelet laike të vendit’, transmeton portali arbresh.info

Kryetari i sindikatës së mësuesve e ka përshkruar ndryshimin si një gabim të madh, i cili përpiqet të shmangë ngritjen e ‘brezave që bëjnë pyetje’.

Ministri i Arsimit Ismet Jilmaz tha se elementët kryesorë të evolucionit do mbesin në planprogramin shkencor, por teorira e Darvinit nuk do të lejohet të përmendet deri në universitet.

“Për shkak se kjo është mbi nivelin e studimeve dhe nuk lidhet drejtpërdrejtë me programin shkollor”, tha Jilmaz në një konferencë shtypi./Arbresh.info